棋子燒鵝 (長沙灣道)

營業中

休息中

唔知點解耐唔耐就會想食燒味飯，經過呢間棋子燒鵝，都幾多人叫外賣，於是就叫咗個二人餐堂食。叫咗一個例牌燒鵝同例牌燒肉，個飯可以轉米粉或者賴粉，仲有兩碗老火湯，同一碟上湯油菜。第一次食呢間個燒鵝，覺得好驚喜，真係有啲柴香，啲肉唔會好實好老，反而係好友鴨香，肉質亦都夠滑，加上係燒鵝髀，啖啖肉。燒肉就份量都幾多，而且肥瘦相稱，個皮仲好脆，脆得來唔會un ，又唔會太咸。而當日嘅惱火例湯係青紅蘿蔔雞腳湯，大碗！足料！唔似味精湯！至於個菜同粉就不過不失，不過都要讚下份量幾大，以呢個價錢來講，性價比幾高，好似外賣仲有優惠，唔怪得咁多人叫外賣了，啱晒而家冇堂食。