Anchor’s Seafood and Beer House (已結業)

今日黎左荃灣呢間service apartment食自助餐，雖然位置唔太方便，但有shuttle bus去地鐵站，weekend去都滿座, 餐廳有大海景，環境唔錯~野食方面今期做緊挪威三文魚主題，仲有南非同愛爾蘭生蠔任食！生蠔都好大隻，鮮甜唔腥！而刺身海鮮選擇較少，不過三文魚都厚切同肥美，海鮮方面最中意食蟹，有唔少蟹高~熱食方面水準都唔錯，有成大條比目魚，炒蜆，燒羊架等，選擇唔算多~ 叉燒稻庭烏冬好彈牙~最吸引既係甜品有movenpick任食！其他甜品都唔錯，窩夫即整好味，而且幾中意呢度既迷你心太軟同蛋糕！整體呢度weekend dinner buffet都係$398, 呢個價錢性價比好高！