木船泰國粉麵專門店 (已結業)

好耐冇嚟過大埔食好嘢啦，今次就揀近太和消防局附近嘅泰國嘢，叫木船泰國粉麵專門店。呢度有好多唔同泰國粉面可以選擇，仲有飯可以揀添！呢度環境真係幾舒服，又有卡位，又坐得闊落，完全唔覺得逼夾嘅感覺，喺呢度食過泰國菜都好舒服。一係就食呢度嘅招牌燒豚肉飯，仲有得揀冬陰功湯，另外仲有三款迷你小食，一人定食想食乜都得呀，滿足晒你想食飯又想食小食嘅胃口，大胃王之選！首先，燒豚肉飯方面，豚肉燒得好juicy，飯嘅份量都好多！男人食都一定夠飽！女人細食量就可能要同朋友share！冬陰功酸辣味剛剛好！都有唔少菇嘅份量！如果有埋蝦就更加抵食喇！而三味小食有魚餅雞卷同蛋白沙律！份量少少，過下口癮都幾好！味道唔錯！但如果可以要熱辣辣啲就更好！可以再進步！最後加左$10飲泰式奶茶！泰式奶茶味道偏甜！正常發揮，未試過嘅朋友仔都可以試一試！