平民扒房@友蠔食 (已搬遷) 新店位置

#旺角 💃女人街, 檔口仔少咗, 人流少咗, 但亦都因為咁而發現原來女人街2旁真係好多嘢食🤤! 上次經過見一間扒房好多人排隊, 諗住下次一定要試, 今日終於約到喇! 🥳🎃先來一客南瓜湯，南瓜蓉滿滿， 唔會太杰， 味道清新！ 應該無落 Cream 同奶, 所以唔會好膩! 🦪再來2隻生蠔過過口癮! 食咗不過唔記得隻蠔個名, 只記得好鮮甜, 好大隻, 肉好厚, 好新鮮, 好 creamy! 🍝蒜蓉白汁蜆意粉 ～ 意粉份量超級多, 亦並非一般豉油西餐煮到意粉爛晒, 呢間餐廳意粉出品有驚喜, 軟硬適中, 白汁份量亦剛剛好掛麵! 蜆大大隻的, 肉厚而鮮味, 滿滿海水味的, 勁新鮮! 🥩既然嚟到扒房, 唔食扒對唔住自己啦! 🤤來一客牛柳吧! 上枱驚見...咁大件嘅... 肉質好嫩滑, 慢慢在石板上燒至自己喜愛的生熟度, 再配上生蒜蓉及醬汁同食, 太滿足吧! 題外話: 我比較喜愛將🧄蒜蓉放在石板上燒熟, 食起嚟會更香！ 🤤🥭石榴特飲 ＆ 芒果特飲！ 清新解渴，淡淡果香唔太甜，真不錯！