蝦麵店 (荃新天地) (已結業)

今日下晝肥妹仔去咗荃新天地度行街，行到咁上下肚餓見到呢一間嘅招牌，睇個樣都好吸引，所以就入咗去食。咖喱喇沙湯豐盛海鮮麵 $111肥妹仔同朋友叫咗一個咖喱喇沙湯豐盛海鮮麵，麵方面我哋叫咗油麵加米粉，佢嘅配料有超多，有兩隻大蝦，兩隻青口，肉丸，魷魚，魚腐等等，個味都幾香濃就兩個人食都冇問題。白胡椒肉骨茶油條配白飯 $79另外我哋就叫咗一個白胡椒肉骨茶油條配白飯。呢一個肥妹仔超鍾意食！佢係好香白胡椒味啲，肉一咬就溶，攞嚟撈飯最適合我哋呢啲大食怪。脆香魚皮 $20小食方面肥妹仔叫多一個脆香魚皮去點肉骨茶。檳城小食拼盤 $108另外在叫咗一個檳城小食拼盤。個小食拼盤入邊有好多嘢食，有炸豆卜，串燒，雞翼，真係令肥妹仔認識多啲馬來西亞嘅食物。