一鍋烽

營業中

休息中

馬鞍山呢個沙漠難得有一間火鍋店即管一試，最終真係驚喜左，因為價錢都唔算貴而啲食物係真係有質素！場地都OK因為好靜幾乎冇乜客（我食嘅時候7:30，食飯時間竟然只係得三四枱客成個場都好吉，慘）但係可能亦都因為小人，我覺得好靜食得好舒服！最可惜嘅係原來預先book枱係有八八折🙃😩我地walkin 就無。有一點要讚嘅就係佢個鍋夠大，個湯底好濃（濃到有啲咸😂），我哋叫咗B套餐（黑毛豬拼牛小排+任食肥牛及任食30款雜項)講真佢個黑毛豬真係好好食，超有豬味，好食過啲牛多多聲，但係啲牛都唔差嘅😌基本上成晚氣氛、場景、食物、服務都好好，唯一覺得扣分位在於張櫈，係硬櫈、無墊，無靠背，當食到咁上下攰嘅時候冇得靠住坐就無咁好，但都明白佢個設計係咁😅所以無辦法啦！