大四喜冰室

營業中

休息中

原本諗住食隔離食肆（點知休息），唯有附近再揾嘢食！ （牛扒例牌好多人等費事啦）看到間舖，平日晚餐就求其就算。叫咗兩個晚餐，一個係菜心炒牛肉味道牛肉OK菜心都多；另一個係老闆娘介紹豆豉蒸白尾班（原条上），白飯，例湯，熱飲全套$78. 講真，百零蚊，食完啪啪屁股走🤣簡單輕鬆！要講吓個例湯，係有料到嘅，唔係白烚水😋。而且份量足，價錢公道，味道方面住家式！店舖裡裝修都OK ，有啲復古型氛圍，聽見其他食客對話都似係街坊，希望呢對夫妻老闆保持得住水準，長做長有啦！