遇見小麵 (黃埔天地奇妙坊(第1期))

營業中

休息中

前幾日返大陸有經過呢間小店，但太多人無入到去，唔講唔知原來已經殺到香港！唔同時段有唔同超值套餐，整體價錢當然會比大陸貴，但喺香港嚟計真係好抵食。朋友唔太識得辣，要咗個蔥油拌麵share，估唔到有驚喜，好大一碗，撈埋下面嘅配料同調味真係幾好味㗎。我哋仲加咗青菜同滷蛋，多啲配料好食啲。另外有個抄手，份量比想像中多，湯底清甜，粒粒飽滿，細食嘅一碗已經可以好飽。小食方面我最鍾意蔥油餅，微微脆身，內裏軟糯，而且完全唔油，自己一個人可以食曬😂 第二就係隻雞，半隻份量，皮夠薄，肉質幾滑，性價比超高。炭烤腿肉串都唔錯，點埋醬汁更惹味。小店有提供多款飲品同甜點，我會推介酸梅湯，偏甜多過酸，但食呢啲嘢真係好解渴。朋友就鍾意白玉厚椰乳，話飲落順滑越飲越過癮。甜品要埋琥珀冰粉，見唔少人點，又凍又甜為呢餐作個完美總結。