Luna Kaffe

營業中

休息中

先介紹嘅係「墨汁魷魚意大利粉」，呢道菜一上枱就已經引人注目。黑色嘅墨汁包裹住每條意大利粉，賣相獨特之餘，墨汁嘅味道濃郁，魷魚切嘅厚度啱啱好，嫩滑彈牙，咬落去唔會覺得韌，反而好入味。意粉本身煮得剛剛好，唔會過軟，仲保持住彈牙嘅口感。🦑接住就係「炸軟殼蟹」，呢個係我哋跟餐加錢嘅小食，金黃酥脆嘅外皮，包裹住啖啖肉嘅軟殼蟹，炸得非常到位，外脆內嫩，食落去完全唔覺得油膩。🦀之後介紹嘅係「紐西蘭穀飼肉眼伴燒汁」，呢個係我嘅朋友點嘅，肉眼牛扒煎得外層微焦，內裡仲保持住鮮嫩多汁嘅口感，五成熟度啱啱好。呢塊牛扒嘅肉質細膩，入口即溶，每啖都充滿濃郁嘅牛味，淋上燒汁一齊食，將牛肉嘅風味提升到另一個層次，鍾意食牛扒嘅朋友，呢道菜係必試。🥩