影片
更多
2018-08-01
1942 瀏覽
心血來潮想食自助餐, 望下手錶已經成七點,如果食貴價自助餐好似好蝕， 於時不停做功課 ，搵下有冇平靚正嘅buffet。靈機一觸諗起新蒲崗有間隱蔽嘅酒店, 即管上網搵下資料, 原來呢間叫九龍貝爾特酒店， 入面有一間buffet，openrice 訂咗有六五折 ， 計埋加一大概三百零蚊，於是馬上用手機訂枱。入到去已經七點九,快啲食回本錢食物先， 我係唔食生嘢嘅 ，主攻熟嘅蟹腳， 而我朋友就食即開生蠔。 即開生蠔都好新鮮， 蟹腳都好鮮美， 食完一輪先再去睇下有咩食。另一個湯我就非常之推介，好鮮甜熱辣辣， 裏面仲有螺頭，我一共飲咗兩盅。呢一個天婦羅區呢， 有軟腳蟹、有番薯、青椒， 我就覺得好一般，比較油。旁邊都有生滾粥， 材料有少見嘅龍蝦、鮑魚、瘦肉、皮蛋…… 我就叫咗龍蝦鮑魚皮蛋粥， 我式粥底比較杰， 材料少少，粥就多多， 有啲失望。呢個墨西哥海鮮芝士薄餅，要特登order煎五分鐘， 見住啲芝士溶出嚟， 口水都流埋， 可惜啲海鮮好鍟， 食慾大減。呢個我鸭肝煎得好香， 佢會配埋一塊加拿餅畀你。 但成日都要排長龍 ，而且分量好少， 想食就要預早啲去排。甜品方面，有蛋糕、H牌雪糕，涼粉、豆花、啫喱
靈機一觸諗起新蒲崗有間隱蔽嘅酒店, 即管上網搵下資料, 原來呢間叫九龍貝爾特酒店， 入面有一間buffet，openrice 訂咗有六五折 ， 計埋加一大概三百零蚊，於是馬上用手機訂枱。
入到去已經七點九,快啲食回本錢食物先， 我係唔食生嘢嘅 ，主攻熟嘅蟹腳， 而我朋友就食即開生蠔。
即開生蠔都好新鮮， 蟹腳都好鮮美， 食完一輪先再去睇下有咩食。
另一個湯我就非常之推介，好鮮甜熱辣辣， 裏面仲有螺頭，我一共飲咗兩盅。
呢一個天婦羅區呢， 有軟腳蟹、有番薯、青椒， 我就覺得好一般，比較油。
旁邊都有生滾粥， 材料有少見嘅龍蝦、鮑魚、瘦肉、皮蛋…… 我就叫咗龍蝦鮑魚皮蛋粥， 我式粥底比較杰， 材料少少，粥就多多， 有啲失望。
呢個墨西哥海鮮芝士薄餅，要特登order煎五分鐘， 見住啲芝士溶出嚟， 口水都流埋， 可惜啲海鮮好鍟， 食慾大減。
呢個我鸭肝煎得好香， 佢會配埋一塊加拿餅畀你。 但成日都要排長龍 ，而且分量好少， 想食就要預早啲去排。
甜品方面，有蛋糕、H牌雪糕，涼粉、豆花、啫喱糖…… 鍾意食甜品嘅我大部分都試咗 ， 涼粉配紅豆 好味道 ，豆腐花又熱又滑 ， 啫喱糖淋到一pet pet要扣分， 芒果拿破崙 不過不失，試下無妨。 最出色系窩夫， 熱辣辣加自選配料， 但得一部機， 每次只出三、四塊， 又係成日排長龍。
總括嚟講，一個三百幾蚊嘅自助晚餐都好ok， 因為佢都有嘢玩， 小朋友可以打發時間。 改善之處就係附近冇泊車位， 都要去工廠區搵停車場泊位。
張貼
