影片
更多
2024-09-23
580 瀏覽
蘋果洛神花茶（港女家姐）：酸酸甜甜，有陣陣嘅蘋果香味，十分開胃。紫蘇蜜香白牡丹茶：飲落有一種洋甘菊嘅味道，茶味醇厚清澈，但又不會太濃。茶具套裝精緻，店員主動幫忙加熱水，服務唔錯。忌廉南瓜湯：味道濃郁，口感順滑綿密，感覺用咗足料同新鮮嘅南瓜。份量適中，唔會太大碗，如果唔係個肚冇位食其他嘢，哈哈。吉烈炸蠔：唔係講笑，超級出色嘅炸蠔！好推薦俾大家。金黃酥脆的麵衣調製得好好，而炸嘅時間又啱啱好，咬落去外脆內軟，蠔肉鮮嫩多汁，形成良好的口感對比，點埋個七味粉配蛋黃醬，正到爆。櫻花蝦味噌大蝦意粉：呢一道係賣相十分好嘅日意fusion 菜。採用扁意粉增加口感，而且煮得恰到好處，口感彈牙。香菇同味噌醬嘅加入為意粉增添咗深厚嘅鮮味，加埋櫻花蝦同大蝦，鮮上加鮮。不得不提嘅係佢加入咗啲新鮮辣椒同小量辣椒粉，形成美妙的口感層次，惹味非常。香煎紐西蘭肉眼扒：擺盤十分精緻，煎製後肉質保持多汁，咬落去嗰陣能夠感受到肉汁喺口中散開，而且一啲都唔韌，呢啲就係煎得靚嘅扒！除咗配個燒汁，仲有我個人好鍾意嘅黃芥末醬，正。雪糕與泡芙：泡芙外層有好似菠蘿包嘅糖皮，而入面就係用咗紅桑子定紅莓嘅餡料，甜酸配搭得宜。而雪糕就夠大球，個
酸酸甜甜，有陣陣嘅蘋果香味，十分開胃。
紫蘇蜜香白牡丹茶：
飲落有一種洋甘菊嘅味道，茶味醇厚清澈，但又不會太濃。
茶具套裝精緻，店員主動幫忙加熱水，服務唔錯。
忌廉南瓜湯：
味道濃郁，口感順滑綿密，感覺用咗足料同新鮮嘅南瓜。份量適中，唔會太大碗，如果唔係個肚冇位食其他嘢，哈哈。
吉烈炸蠔：
唔係講笑，超級出色嘅炸蠔！好推薦俾大家。金黃酥脆的麵衣調製得好好，而炸嘅時間又啱啱好，咬落去外脆內軟，蠔肉鮮嫩多汁，形成良好的口感對比，點埋個七味粉配蛋黃醬，正到爆。
櫻花蝦味噌大蝦意粉：
呢一道係賣相十分好嘅日意fusion 菜。採用扁意粉增加口感，而且煮得恰到好處，口感彈牙。香菇同味噌醬嘅加入為意粉增添咗深厚嘅鮮味，加埋櫻花蝦同大蝦，鮮上加鮮。不得不提嘅係佢加入咗啲新鮮辣椒同小量辣椒粉，形成美妙的口感層次，惹味非常。
香煎紐西蘭肉眼扒：
擺盤十分精緻，煎製後肉質保持多汁，咬落去嗰陣能夠感受到肉汁喺口中散開，而且一啲都唔韌，呢啲就係煎得靚嘅扒！除咗配個燒汁，仲有我個人好鍾意嘅黃芥末醬，正。
雪糕與泡芙：
泡芙外層有好似菠蘿包嘅糖皮，而入面就係用咗紅桑子定紅莓嘅餡料，甜酸配搭得宜。而雪糕就夠大球，個人更推薦榴槤味，榴槤香氣十足。
張貼
