御品·千之味 (大全街) (已結業)

突然想食日本野，見網上有人介紹里間新店，於是決定試下新野。舖頭面積唔大，成間舖頭既裝修都好日式，四周都擺左日本酒做裝修，仲有啲假櫻花，朋友仲笑話如果唔係甘多人，可以幫我打卡。舖頭有樣好甜心既位，枱面分別有兩種醬油，白色樽既係食刺身用，矮個樽就係食壽司用。點左個帶子刺身試下，帶子好肥美，亦都好鮮甜。壽司方面：火炙三文魚同火炙芝士鰻魚初時驚芝士味會搶哂味，但完全唔會，火炙燒過既味同芝士味好夾，令成件事更香，三文魚亦入口即溶。之後點左個御品·千之味卷，見個名係用舖頭名命名，感覺應該幾招牌，千之味卷有齊三款唔同口味既壽司，有海膽、魚子同鮪魚，雖然成份千味卷既價錢都唔貴，但海膽都幾出色，味道甘甜，質感細膩，入口即溶。最後係蒜香三文魚帶子炒飯，用既係炸蒜，食落啖啖都好香，而且三文魚都有好多。最後店員仲會送上紫薯味既迷你雪米磁，好特別。