Next Station Dessert (已結業)

環境：輕鬆，入到嚟係暖但唔熱。有型格吧檯，隔離有啲大黑板畫咗幾種招牌甜品。甜品亦都好創新，例如健力士啤酒朱古力慕絲，而且心太軟嘅餡係自己調配，有誠意紫薯窩夫配雲尼拿雪糕($62)：好容易切，外脆但內裏好鬆軟！入面夾咗好多紫薯蓉，而且味道算香濃！雪糕軟滑香濃綠茶心太軟配野莓乳酪雪糕($58)：形狀好可愛，唔似平時火山形。上面啲紅豆，好期待.... 輕輕拮落去，Wow！！！你贏咗！！！啲綠茶朱古力係流出嚟，其實流心嘅心太軟係基本，但奈何而家好多地方係整心太硬㗎！個心太軟勁靚，入面係鮮綠色，未食已經流口水！第一啖已經欲罷不能，唔會好甜但綠茶味濃，食完都唔會覺得好漏。乳酪雪糕酸酸，仲有野莓粒，正好中和咗心太軟嘅甜服務：有禮貌，上菜時會溫馨提示講聲“趁熱食”仲要一讚嘅係，呢度播好多廣東歌！多謝你支持廣東歌！