Monster Sushi (已結業)

見網上對Monster Sushi的食評好壞參半，左諗右諗，都係決定自己來試一試。7:30pm左右去到門口好多人等緊，不過星期五晚去邊度食都係要等(無人等都未必去)，咪攞張飛等吓先，比想像中快，只係等咗30分鐘就有位，我哋坐迴轉枱可以睇住師傅整壽司，場內裝飾幾靚不過迴轉帶上嘅壽司唔多，都係落單叫啦，先來了一個呢度主打嘅壽司，叫做Monster壽司，其實係帆立貝加海膽仲有三文魚籽(好豐富)，味道亦相當唔錯，仲有成日有食家推介嘅鰻魚玉子，味道ok，不過鰻魚有少許細骨，呢個辣汁三文魚卷相當好味，啲辣汁個味同燒過嘅三文魚好夾，海膽個樣好飽滿，味道一般，一口豚有啲肥，不過沾咗柚子鹽就中和返，不過唔好食太多有排減肥，總括來講幾好味，而且服務亦好好，都唔洗叫服務員都好主動不停替我加茶，臨走時我漏咗個紙袋，個女子仲追出來俾返我，令我感覺好好，我一定會再來食過。