影片
更多
2009-10-01
15 瀏覽
1-10-20092:xx pm 人在旺角未食 lunch, 想搵個舒服一點的地方, 又嚟到朗豪坊. 樓上幾間餐廳全部「中場休息」, 兜兜轉轉嚟到「怪獸」門口, 是但啦, 都好耐無食迴轉壽司啦, 試試吧.玉子燒: 溫溫吞吞, 不過都叫幾軟熟, 夠甜, 蛋味就一般.蜆仔麵豉湯: 內有蜆, 豆腐粒及昆布... 蜆仔無味, 帶點粉粉的口感; 湯底沖得好稀, 味道淡口, 遑論蜆鮮了, 何況 d 蜆都唔係新鮮貨 -_-"三文魚籽軍艦: 三文魚籽堆到跌晒出來, 食落味道怪怪的, watery 得過份, 係「仿」三文魚籽? 「可幸」唔苦又未算腥, 算吧; 紫菜就當然唔脆啦.蝦膏甜蝦蟹籽壽司: 呈「棋子」狀, 成件放入口, 只食到帶點腥苦的蝦膏味, 及溫熱的壽司飯, 幾打冷震 油甘魚腩: 係無味道的, 不過都無期望係乜嘢靚貨, 叫就無驚無險吧.哥斯拉卷: 呢度的「創作壽司」之一, 係五顏六色的炸米通粒包住鰻魚及壽司飯, 中間就有(麵粉)蟹柳, 玉子及牛油果... 外皮炸得脆口無油, 食時蘸點沙律醬, 酸酸甜甜又帶米通的香味, 咁多樣之中叫做最好.海膽手卷: 紫菜係腍的; 海膽份量唔少,
2:xx pm 人在旺角未食 lunch, 想搵個舒服一點的地方, 又嚟到朗豪坊. 樓上幾間餐廳全部「中場休息」, 兜兜轉轉嚟到「怪獸」門口, 是但啦, 都好耐無食迴轉壽司啦, 試試吧.
玉子燒: 溫溫吞吞, 不過都叫幾軟熟, 夠甜, 蛋味就一般.
蜆仔麵豉湯: 內有蜆, 豆腐粒及昆布... 蜆仔無味, 帶點粉粉的口感; 湯底沖得好稀, 味道淡口, 遑論蜆鮮了, 何況 d 蜆都唔係新鮮貨 -_-"
三文魚籽軍艦: 三文魚籽堆到跌晒出來, 食落味道怪怪的, watery 得過份, 係「仿」三文魚籽? 「可幸」唔苦又未算腥, 算吧; 紫菜就當然唔脆啦.
蝦膏甜蝦蟹籽壽司: 呈「棋子」狀, 成件放入口, 只食到帶點腥苦的蝦膏味, 及溫熱的壽司飯, 幾打冷震
油甘魚腩: 係無味道的, 不過都無期望係乜嘢靚貨, 叫就無驚無險吧.
哥斯拉卷: 呢度的「創作壽司」之一, 係五顏六色的炸米通粒包住鰻魚及壽司飯, 中間就有(麵粉)蟹柳, 玉子及牛油果... 外皮炸得脆口無油, 食時蘸點沙律醬, 酸酸甜甜又帶米通的香味, 咁多樣之中叫做最好.
海膽手卷: 紫菜係腍的; 海膽份量唔少, 但係又苦又腥的 諗返轉頭, 都唔知點解會夠膽喺呢類地方食海膽...
鰻魚: 無乜汁, 質地軟撻撻, 但咬落又實實的; 舊飯 size 比其他的大好多,「一夾即散度」亦比其他壽司的嚴重好多
另外仲有三文魚, 吞拿魚腩及赤身, 不過無試, 唔講太多了.
而 wasabi 就係放喺迴轉帶上唔知轉了幾多圈, 質地如牛油, 味道又「牙膏 wasabi」得很的綠色 substance, 可幸豉油正正常常.
連杯茶 (?) 都係有色無味的, 真係
食物比想像中更差, 衛生亦嚇人, 壽司 bar 係有隻蒼蠅喺師傅身邊飛來飛去的 ; 招呼亦差, 店員們 serve 嘢食 d 碟 / 碗「砰鈴嘭 lang」, 晦晦氣氣又俾人「睬你都傻」的感覺, 印象認真差勁.
埋單每人約 $140, 價錢同想像中差不多, 不過抵唔抵, 又會唔會再嚟, 唔使講吧?
果然好有殺傷力的一隻怪獸 吳彥祖開的又如何?
張貼
