影片
更多
2023-12-25
62 瀏覽
臨近聖誕想同朋友食餐好啲，記得之前食過呢間日式燒肉，牛肉質素高，而且坐得舒服，所以今次決定再去食。餐牌上有好多款唔同嘅套餐可以揀，全部都係任食，今次我就試吓Course D ，包含六款日本黑毛和牛同埋海鮮，一定夠晒豐富！一坐低揀完套餐，店員就會將〈是日黑毛和牛精選〉同埋〈黑毛和牛四款盛合〉，前者是日精選和牛係里脊肉，油脂分布非常平均；後者和牛盛合就包括有牛肋肉、里脊肉、一口牛同埋肉眼，可以一次過四晒唔同部位嘅和牛，啱食邊款之後仲可以單點任食！頭盤有點止啱啱兩份肉咁簡單，仲會有質素勁高，而且有店員親自幫手燒嘅〈日本A4和牛西冷〉，店員掌握嘅火候真係啱啱好，一燒完即刻食，入口嫩滑而且油脂感啱啱好；另外仲會有〈海鮮三款盛合〉，即係原隻魷魚筒、青口，同埋蝦，最推介係魷魚筒，彈牙得來又唔會太靭，灑上即磨海鹽同胡椒，夠晒風味！食完頭盤已經覺得好滿足，我哋仲嗌咗好多其他可以任食嘅項目，肉類方面我會推介炙燒牛外橫膈膜，廚房會預先將牛肉隻燒過，上枱後其實已經可以即刻食，肉質好嫩滑，沾上少少芥辣，更加提升味道。另外博切牛舌芯亦都係另一款推介嘅項目，口感爽口，幾唔錯！套餐132款食品，包括唔同種類嘅小食、豬
餐牌上有好多款唔同嘅套餐可以揀，全部都係任食，今次我就試吓Course D ，包含六款日本黑毛和牛同埋海鮮，一定夠晒豐富！
一坐低揀完套餐，店員就會將〈是日黑毛和牛精選〉同埋〈黑毛和牛四款盛合〉，前者是日精選和牛係里脊肉，油脂分布非常平均；後者和牛盛合就包括有牛肋肉、里脊肉、一口牛同埋肉眼，可以一次過四晒唔同部位嘅和牛，啱食邊款之後仲可以單點任食！
頭盤有點止啱啱兩份肉咁簡單，仲會有質素勁高，而且有店員親自幫手燒嘅〈日本A4和牛西冷〉，店員掌握嘅火候真係啱啱好，一燒完即刻食，入口嫩滑而且油脂感啱啱好；另外仲會有〈海鮮三款盛合〉，即係原隻魷魚筒、青口，同埋蝦，最推介係魷魚筒，彈牙得來又唔會太靭，灑上即磨海鹽同胡椒，夠晒風味！
食完頭盤已經覺得好滿足，我哋仲嗌咗好多其他可以任食嘅項目，肉類方面我會推介炙燒牛外橫膈膜，廚房會預先將牛肉隻燒過，上枱後其實已經可以即刻食，肉質好嫩滑，沾上少少芥辣，更加提升味道。另外博切牛舌芯亦都係另一款推介嘅項目，口感爽口，幾唔錯！
套餐132款食品，包括唔同種類嘅小食、豬牛雞肉、海鮮、冷食、熱食、蔬菜等等，出面嘅自助吧仲可以挑選沙律、飲品及甜品等，真係非常抵食！
張貼
