影片
更多
2017-07-25
205 瀏覽
好耐冇幫襯過啦，見係附近整野就上去食個下午茶啦！點知，轉左餐牌，滷肉飯冇左!咁就改嗌左一個迷你窩夫、雞鎚薯條啦，連一杯蘋果乳酸、香芋奶茶。飲品黎先，明明嗌凍飲，但杯香芋奶茶唔夠凍，個底仲係暖嘅，冰溶哂飲品都只係室溫，只可稱為暖飲！雞鎚薯條價值$38，有兩隻雞鎚「仔」同三十條左右嘅薯條，一隻紙巾盒咁大嘅長方形碟裝哂，仲要放埋醬料碗係碟上，大家可想像分量係有幾多！迷你窩夫配士多啤梨雪糕，有街邊買嘅格仔餅半份份量，一開二，雪糕味假，士多啤梨醬係香精味，最誇張係個窩夫質感完全唔合格冇蛋味，唔熱而且咬落似食緊光酥餅！份量好少但我都係「捱」到半份咁大把！盛惠九十大洋！我光顧過好多次，每次都覺得好食，但今次會係最後一次！
咁就改嗌左一個迷你窩夫、雞鎚薯條啦，連一杯蘋果乳酸、香芋奶茶。
飲品黎先，明明嗌凍飲，但杯香芋奶茶唔夠凍，個底仲係暖嘅，冰溶哂飲品都只係室溫，只可稱為暖飲！
雞鎚薯條價值$38，有兩隻雞鎚「仔」同三十條左右嘅薯條，一隻紙巾盒咁大嘅長方形碟裝哂，仲要放埋醬料碗係碟上，大家可想像分量係有幾多！
迷你窩夫配士多啤梨雪糕，有街邊買嘅格仔餅半份份量，一開二，雪糕味假，士多啤梨醬係香精味，最誇張係個窩夫質感完全唔合格冇蛋味，唔熱而且咬落似食緊光酥餅！份量好少但我都係「捱」到半份咁大把！
盛惠九十大洋！
我光顧過好多次，每次都覺得好食，但今次會係最後一次！
張貼