金蘭花泰國菜 (已結業)

柚子沙律($98)，先黎個開胃菜，啖啖柚子肉，兼且好甜，仲有腰果中和返甜味同增加口感。臭草煎蛋($88)，一上菜就聞到有味，外表似蠔仔餅，食落似台灣臭豆腐味道，個名雖然唔太好聽，但其實味道唔差，個醬係鹹味類似南乳醬。恐龍蛋($98)，哩個最正，皮蛋係流心，食落有漿住口既感覺，外層係炸蝦餅，配泰式辣醬好夾。紅咖喱海鮮炒飯($88)，個飯好辣，最終要慢慢食，同埋飲勁多水先食得晒，但炒得幾香，入面有蝦球同魷魚。青檸梳打($32)凍檸多($28)，益力多加檸檬又幾好飲。