影片
更多
2006-12-24
5 瀏覽
老細嫁女請飲,小薯仔員工都有份去贈慶一番。地方樓底高已經係酒樓賣點之一,加上巨型水晶燈高高掛,的確幾夠氣派;經過一般婚宴應有程序之後,上菜lu.....金箔乳豬全體:傳統閃閃燈乳豬皮好脆,加上點點金箔增加貴氣,大部份肥肉已經去除而且無骨,配埋軟熟餅皮、甜醬一齊食,胃口大開。鮮露筍炒鴛鴦蚌:2種蚌一款爽口一款淋身,鮮露筍幼嫩無渣,伴炒三色椒都好甜,連小朋友都鐘意;呢個菜造型幾特別,有茄子雕花之外,仲有炸麵糰、薯蓉伴碟,前者味道似牛脷酥,香口但飽肚;後者味道香滑只嫌稍凍,如果可以熱d就太好。如意吉祥炒蝦球:大蝦球新鮮爽口,配上甜美蜜糖豆同炒,簡簡單單但好味道。鳳凰瑤柱甫:等於飲宴必備菜式蒜子髮菜瑤柱甫,髮菜可能係水雲,因為質感較滑,今次用蛋皮卷成髮菜卷,再加上蟹子點綴,視覺上就靚好多,瑤柱甫好大粒,煮得好入味;加上青綠豆苗,食落就清爽好多。肘子燉排翅:一大件肘子加上半隻雞所燉既湯,好濃好香,排翅份量都好多,每碗都可以裝得滿滿;燉完湯既肘子都上桌,仍然好夠味道,同檯前輩食唔停口。原隻南非鮑扣花膠:每人一隻原隻鮑魚,雖然唔係溏心但口感煙靭;花膠一向非我所好,幾好食對我黎講都只係無大好感,呢碟餸
地方樓底高已經係酒樓賣點之一,加上巨型水晶燈高高掛,的確幾夠氣派;經過一般婚宴應有程序之後,上菜lu.....
金箔乳豬全體:傳統閃閃燈乳豬皮好脆,加上點點金箔增加貴氣,大部份肥肉已經去除而且無骨,配埋軟熟餅皮、甜醬一齊食,胃口大開。
鮮露筍炒鴛鴦蚌:2種蚌一款爽口一款淋身,鮮露筍幼嫩無渣,伴炒三色椒都好甜,連小朋友都鐘意;呢個菜造型幾特別,有茄子雕花之外,仲有炸麵糰、薯蓉伴碟,前者味道似牛脷酥,香口但飽肚;後者味道香滑只嫌稍凍,如果可以熱d就太好。
如意吉祥炒蝦球:大蝦球新鮮爽口,配上甜美蜜糖豆同炒,簡簡單單但好味道。
鳳凰瑤柱甫:等於飲宴必備菜式蒜子髮菜瑤柱甫,髮菜可能係水雲,因為質感較滑,今次用蛋皮卷成髮菜卷,再加上蟹子點綴,視覺上就靚好多,瑤柱甫好大粒,煮得好入味;加上青綠豆苗,食落就清爽好多。
肘子燉排翅:一大件肘子加上半隻雞所燉既湯,好濃好香,排翅份量都好多,每碗都可以裝得滿滿;燉完湯既肘子都上桌,仍然好夠味道,同檯前輩食唔停口。
原隻南非鮑扣花膠:每人一隻原隻鮑魚,雖然唔係溏心但口感煙靭;花膠一向非我所好,幾好食對我黎講都只係無大好感,呢碟餸膠質好重,食完非常立口,幸好有爽脆生菜中和至無咁漏。
清蒸東星斑:大大條東星蒸得稍為過火,所以魚肉唔太滑,不過豉油味道幾好,通常我係假意食d魚去飲呢d好味豉油=p
呈祥脆皮雞:外皮炸得卜卜脆,外表非常吸引!雞味唔太重,對愛雞狂如我就唔介意,好處係炸得夠熟,唔會生勾勾有血水。不過呢度師傅刀章麻麻,無論乳豬/雞都斬唔斷,夾得唔太方便。
黃金煎伊麵:麵條好幼,唔多似伊麵!外面煎得夠脆但裡面較濕,加上酸酸黑醋,味道ok,唯一係潮菜既菜式。
金銀瑤柱炒飯:唯一無試菜式,見到好多瑤柱絲,但已經唔想再食飯。
百年偕好合:蓮子百合紅豆沙煲得好綿,陳皮味重得有d過份,大家懷疑係咪將陳皮(橙皮?!)打碎之後加入糖水內。
永結喜同心:雙色水品包+芝麻小煎堆;前者晶瑩剔透,蓮蓉/豆沙甜到入心,後者又係無試,因為已經吞唔落了!!
婚宴係開心事,當然要俾笑面^_^
張貼
