譚仔雲南米線 (觀塘廣場)

營業中

休息中

當譚仔仲未發跡，只有長沙灣一間分店，到依家總有一間喺左近，我由中學食到出黎做野，望住佢嘅變遷，心情係複雜嘅。份量而言，其實大不如前。以前一碗米線已經足夠兩個女仔食，啲配菜更加係多到似一座山丘，性價比高，好抵食。依家同抵食已經扯不上邊。心水清嘅人，其實應該食得出佢個湯底都悄悄地改變左。味道單調左，高湯甜味逃掉了。以前即使係十小辣都會食到好似有小螞蟻喺咀唇亂跳，又麻又辣嘅感覺，依家只有辣味獨領風騷。不變嘅可能係佢啲餸嘅選擇，大致上無太大改變。豬肉竹笙十小辣係我喺譚仔時常叫嘅。今次豬肉略嫌煮過左火，竹笙爽口，但量少。不太肚餓嘅原故，叫左少米線，米線煮得剛好，不會糊掉。物轉星移，萬物都在變，不變嘅係對譚仔嘅情義結。