超級自助壽司店

營業中

休息中

住開淘大個邊嘅老街坊一定會認識依間壽司屋，佢嘅裝修就似足90年代初嘅廣式壽司店，總之一睇個裝修就有似曾相識嘅感覺！話雖如此，佢嘅刺身同生蠔水準真係唔比大集團差，今次同老婆唔食生蠔，只點了兩盤刺身同壽司拼盤，真係好好味！廚師精選刺身真係樣樣都咁新鮮！尤其係時令秋刀魚同帶子，我鐘意老細會親自推介時令食品，同食客傾計咁建立關係，講真係依家香港真係好少有，記得以前落茶餐廳都會同伙記吹水，依家食完就轉頭趕人走了！另外亦點了一盤帶子壽司，估唔到同廚師精選都有d重覆，早知叫返生蠔同鍋物啦！不過壽司都唔差，其實新鮮就好味架喇！鐘意佢舊飯唔會太大太細，同埋最想推介係佢地嘅wasabi啊！ 自家製真係香，食完聽老細講原來依家租埋後面舖位，希望佢擴張同時可以keep住食品質素！支持小店