One Bar (已結業)

好耐之前已經食過呢度嘅自助餐，當時都覺得唔錯。今次因為想搵個地方可以坐耐啲又可以食自助餐嘅，所以就撰咗呢間。自助餐12點開始，我哋就12點到當時只有3枱客。首先睇吓有乜嘢冷盤，沙律都有好多款選擇，最好係佢連魚生都有三文魚同吞食魚兩款。至於熱盤都係啲大路嘢，當中比較好食嘅有义燒酥、喇沙湯粉、燒豬頸肉、蒸魚、炒韓式粉絲。最後梗係我嘅至愛 - 甜品啦，甜品全部都係細細件，包括有籃莓芝士蛋糕、芒果蛋糕，朱古力蛋糕、紅蘿蔔蛋糕、桂花糕、麵包布丁、Tiramisu、雪糕等等，而籃莓芝士蛋糕係最好味嘅一款，其實Tiramisu都唔錯不過最衰係唔夠乾。飲品方面雖然冇餐後咖啡戓茶選擇，但係佢有任飲可樂、檸茶、橙汁、西柚汁。服務方面侍應都勤收碟同添水，我哋由12點一路食到4點先走，真係一個悠長自助餐！