W&T Restaurant (洗衣街) (已結業)

15/2/2023 今日再嚟呢度，因為食物好味，坐得舒服，樓底高，又有privacy 。Menu 內的餐單款式多選擇，叫套餐又可以加side dishes ，仲要係可以加多款side dishes，唔會話只可加－款，靈活性高。今日我哋叫嘅套餐有：-Parma Ham沙律，加side dishes 煙三文魚，香草肉腸，松露炒滑蛋。配 凍柚子梳打。沙律菜鮮嫩，Parma Ham 大大塊，配搭好正。side dishes 一啲都唔馬虎，煮得好食。西班牙黑毛豬扒，加side dish 炸雞翼。配凍檸茶。兩塊豬扒，烹調美味，炸雞翼皮脆肉嫩，咬落仲肉好juicy😋最後叫咗－客dessert Tiramisu ，tiramisu 甜度適中，我哋二人share，剛好圓美午餐，食得開心😊店員友善招呼，地點又係市區中心，行完花墟過嚟搵食，確是悠閑享受一餐美食的好地方，值得推介。