影片
更多
2012-01-18
159 瀏覽
十二月見天氣幾好，有太陽又唔曬，同屋企人由中環搭船到南丫島榕樹灣，然後行山去索罟灣。榕樹灣嗰邊有好多細細間舖頭仔賣D得意嘢，又有凉茶賣，一路行一路飲。經過阿婆豆腐花，食咗豆腐花又再行。由榕樹灣行去索罟灣，差不多一個鐘頭，沿路經過沙灘，風景好靚，周圍有山有水，又唔辛苦，下次可以再約朋友行。去到索罟灣，第一間見到呢間LAMMA HILTON，之前都聽朋友講過，話D嘢食幾好同唔貴，環境又舒服，咪試吓囉。坐落又真係好舒服喎，唔會好嘈同坐得迫，可以慢慢嘆同睇風景。我哋3個人叫咗幾款海鮮，有白灼蝦、椒鹽瀨尿蝦皇（1只 share 黎食）、蒜蓉蒸元貝、蒸石蚌、清炒菜心、紅燒豆腐同楊州炒飯，樣樣嘢都好食同新鮮，冇加一，埋單都係每人200蚊倒，值得再嚟。白灼蝦都幾大隻 - 好爽好鮮甜。椒鹽瀨尿蝦皇 - 炸得乾身唔會好油，椒鹽嘅味道啱啱好，好嘢味，但唔鹹。蒜蓉蒸元貝 - 味道都唔錯，有D粉絲伴吓索D汁，元貝就略為熟咗D。蒸石蚌 - 蒸得啱啱好，條魚都幾滑，魚豉油好味。清炒菜心 - 炒得一D都唔油，D菜好嫩好甜，不過唔夠多。紅燒豆腐–豆腐炸得好靚好滑，味道都算唔錯。楊州炒飯 - 夠大碟，炒得一粒粒，夠乾身同
去到索罟灣，第一間見到呢間LAMMA HILTON，之前都聽朋友講過，話D嘢食幾好同唔貴，環境又舒服，咪試吓囉。坐落又真係好舒服喎，唔會好嘈同坐得迫，可以慢慢嘆同睇風景。我哋3個人叫咗幾款海鮮，有白灼蝦、椒鹽瀨尿蝦皇（1只 share 黎食）、蒜蓉蒸元貝、蒸石蚌、清炒菜心、紅燒豆腐同楊州炒飯，樣樣嘢都好食同新鮮，冇加一，埋單都係每人200蚊倒，值得再嚟。
白灼蝦都幾大隻 - 好爽好鮮甜。
椒鹽瀨尿蝦皇 - 炸得乾身唔會好油，椒鹽嘅味道啱啱好，好嘢味，但唔鹹。
蒜蓉蒸元貝 - 味道都唔錯，有D粉絲伴吓索D汁，元貝就略為熟咗D。
蒸石蚌 - 蒸得啱啱好，條魚都幾滑，魚豉油好味。
清炒菜心 - 炒得一D都唔油，D菜好嫩好甜，不過唔夠多。
紅燒豆腐–豆腐炸得好靚好滑，味道都算唔錯。
楊州炒飯 - 夠大碟，炒得一粒粒，夠乾身同唔油，幾好味。
悠閑的周末下午，望住海景歎番餐安樂飯，是最好的booster!
有機會會再來。
張貼
