Homing People (已結業)

今日試咗鰂魚涌呢間小店。真係好「小店」，座位唔多，位置好隱蔽，裝修精緻，乾乾淨淨，感覺好舒服。Lunch有set，日日唔同，今日嘅係芝士蘑菇庵列配蜜糖麵包。個庵列裏面啲芝士溶晒喺個庵列度，加上蘑菇，好味。而個包係最出色嘅，個包似係自家出品，有少少提子，旱得燶燶哋，加啲蜜糖，簡簡單單但就係好味。正常一個餐係唔夠飽嘅，所以加多杯Latte同甜品就啱啱好。我都試過佢哋啲咖啡，好有心機整，味道都比一般連鎖店好。如果有時間又唔阻住人哋做生意，喺度飲杯咖啡睇吓書或者傾下偈都應該好寫意。