On The Spot Cafe Bar Restaurant (已結業)

難得星期六冇咩搞，輕輕鬆鬆搵個地方嘆下午餐。天后站附近呢間 cafe，陽光由落地玻璃透入，加上舒適的環境，我知道今日搵岩地方。是日精選湯品稍稠的蘑菇忌廉湯味道香濃，配熱辣辣的牛油餐包。意大利青瓜茄子豬肉卷外脆，內裡啖啖肉，配意式蕃茄醬一齊食味道更清新，醜濆蔬菜更減膩。黑醋坎伯蘭香腸意大利飯意大利飯有驚喜，粒粒黑色以為係魚子，原來係黑醋，咬開就會有黑醋的酸味。除咗有香腸，仲有白麼菇，焦糖洋蔥，巴馬臣芝士，紅椒，帶來濃郁的味道同豐富的口感。安格斯西冷扒（8安士）建議揀Medium ，西冷粉嫩香腍，而且已經切好一片片，亦已蘸上燒汁，即刻食得。同時配薯條同水耕沙律菜。