一日一咖啡吧

營業中

休息中

平日放假帶阿媽做文青一天，喺上環繁華嘅街道，小店Cafe 十分適合食個悠閒早餐。一入到餐廳，職員十分友善，問我們堂食或外賣。揀咗個靚位，揀完食乜之後行去收銀點餐。環境都十分優美，木系裝飾，我鐘意。食早餐當然要試下signature breakfast, 十分驚喜，每一件都食得岀用心製作，腸仔和煙肉都煎得好香，一啲都唔油膩，牛角包都好鬆軟，軟林林暖笠笠好好食。開心同阿媽一齊黎，可以同佢一人一半，試埋佢揀的Parma ham Big Benedict. 個醬整得超好食，配Parma ham 超好香，我忍唔住兩三啖就已經食晒.黎到cafe點可以唔叫咖啡，杯 latte 都好香咖啡味，奶同咖啡嘅比例剛剛好。我當然要凍飲啦，Golden Lemon Fizzy, 賣相已經好吸引，一飲落口十分有驚喜，有汽汽水配上楓蜜加上檸檬， 十分清新。好彩嚟得早，食完之後12點幾都已經好多人。