香辣車仔麵

營業中

休息中

放工時間比較多人食嘢，所以等咗一陣位就可以坐低，喺等位嘅時候都有留意吓佢餐牌有啲乜嘢食♥️喺出邊望入去其實個環境都幾舒服，雖然坐咗好多人但係唔會感覺好逼夾。叫咗一碗車仔麵入面嘅蘿蔔好大粒，而且非常甜！加埋深入左醬汁湯底嘅味道真係好正！另外仲有呢一個豬大腸！豬大腸嘅滷水汁好好食，而且處理得好乾淨！同埋呢個滷水雞翼，腩肉都好好食！最最最重點推介嘅就係呢一個秘製辣汁！真係必點推介！夠晒香夠晒辣！雖然食到出晒汗，但係真係好過癮！食車仔麵嘅呢個醬汁同埋湯底真係好正！可以話係我喺香港食過最好食嘅車仔麵！😋🤤