影片
更多
2021-01-30
1965 瀏覽
星期六喺灣仔放工，就搭叮叮過黎中上環呢頭搵食行下，見倒條窄巷麥奀記嘅招牌，就一於入呢條街搵食，行多呢兩步就見倒小河內呢間舖，望入去得一兩個客，啱晒，而家食野就係最怕多人😅😅😅一入去感覺係小店經營，應該唔係家庭式。全間舖得15個位咁多（後黎有人黎幫襯，我先知原來仲有樓上😅😅），其中3個位仲係隔住玻璃向街的，但為免俾人望住自己嘅食相，我都係揀返向吧枱廚房嘅位🤣🤣坐低後阿哥仔就拎個餐牌俾我，不過喺門口都研究左個餐牌先入黎，所以都唔駛點睇，直接order。前菜揀左‘蒜香牛油雞翼’，主菜揀左‘越式生牛肉河粉’，飲品就可樂算啦🤣🤣 全部加埋$68，無加一，喺中上環黎講唔算貴，仲要今日星期六，無咩客，可以舒服寧靜地食個午餐，感覺良好。 講野食：-前菜（蒜香牛油雞翼）3/5 夠脆夠香口，但係唔太夠味，亦唔多食得出蒜香嘅味道，要扣分🤣🤣-主菜（生牛河） 4/5粉量ok ，個湯偏向甜嗰邊，啲牛肉浸熟變色後都淋唔會好韌，整體黎講好味的，係略為少左啲芽菜🤣🤣-飲品 （可樂）5/5是罐裝🤣🤣🤣 下次有機會加錢試下佢嘅野飲👍🏻👍🏻-環境 5/5夠清潔乾淨，又唔會逼（只限星期六啩🤣🤣）
一入去感覺係小店經營，應該唔係家庭式。全間舖得15個位咁多（後黎有人黎幫襯，我先知原來仲有樓上😅😅），其中3個位仲係隔住玻璃向街的，但為免俾人望住自己嘅食相，我都係揀返向吧枱廚房嘅位🤣🤣
坐低後阿哥仔就拎個餐牌俾我，不過喺門口都研究左個餐牌先入黎，所以都唔駛點睇，直接order。前菜揀左‘蒜香牛油雞翼’，主菜揀左‘越式生牛肉河粉’，飲品就可樂算啦🤣🤣 全部加埋$68，無加一，喺中上環黎講唔算貴，仲要今日星期六，無咩客，可以舒服寧靜地食個午餐，感覺良好。
講野食：
-前菜（蒜香牛油雞翼）3/5
夠脆夠香口，但係唔太夠味，亦唔多食得出蒜香嘅味道，要扣分🤣🤣
-主菜（生牛河） 4/5
粉量ok ，個湯偏向甜嗰邊，啲牛肉浸熟變色後都淋唔會好韌，整體黎講好味的，係略為少左啲芽菜🤣🤣
-飲品 （可樂）5/5
是罐裝🤣🤣🤣 下次有機會加錢試下佢嘅野飲👍🏻👍🏻
-環境 5/5
夠清潔乾淨，又唔會逼（只限星期六啩🤣🤣）
$68
92 瀏覽
0 讚好
0 留言
河內生牛牛肉河粉
77 瀏覽
0 讚好
0 留言
牛油蒜香雞翼
47 瀏覽
0 讚好
0 留言
張貼
