新輝茶室

營業中

休息中

新輝：$167暑假公司渡假屋宿營，摸蜆前去食個下午茶，呢間馬路邊茶室！有室外座位，不過三位公主要嘆冷氣，所以坐室內座位！6人分開兩張四人枱坐！室內環境闊落光猛！幾舒服！食品以冰室類為主！雞扒出前一丁：雞扒皮煎得非常脆口，雞肉嫩滑！出丁唔會太淋！湯底當然惹味！好味！奶醬包：麵包比較硬，練奶唔多，花生醬帶椰香！不過麵包太硬影響了口感！蛋治：用店內嘅自製麵包！麵包似法包，長方型外脆內軟，蛋治有沙律菜！炒蛋嫩滑，不過偏鹹！紅豆冰：紅豆好多，大粒又煲得透，奶水濃味！唔會過甜，不過係冰粒唔係冰碎！爭啲！西米涼粉冰：有柄玻璃杯，涼粉爽口，西米煲得透淋身，唔太甜！好味凍檸茶：有柄玻璃杯，夠大杯，茶味濃唔澀正常！薑啤：夠凍正常阿姐店員有禮有笑容，仲會同小朋友傾下偈，介紹下附可以行嘅景點！吧枱位女士就只能聽少許廣東話！不過笑容可掬！好舒服吧一餐下午茶！