LIFETASTIC (已結業)

長假期唔外遊，都要搵d節目既，漫無目的地搵架由屋企去到最遠既巴士，坐到去西環。之前都知西環有間食西瓜蛋糕，甘耐以黎都心癢癢想試⋯⋯不過西環真係太遠，又好似無咩好行，所以都係放棄無專登去。原來餐廳好近港鐵站，可能近HKU，入到去都好多大學生⋯⋯隊長突然覺得自己好老餅。因為去到西環都夠鐘食lunch，所以都順便食埋，兩口子叫左一個all day breakfast同一個carbonara ，叫一個main course可以加錢叫埋甜品⋯⋯當然西瓜蛋糕除外！但一場去到隊長當然唔會浪費quota，另外比錢都要食西瓜蛋糕啦！講左main先，all day breakfast其實就無特別，炒蛋普通⋯⋯仲有果塊仔法包，輕輕用牛油煎下都無，唔夠誠意喎。反而carbonara就特別少少，用左捲意粉，可以索多d汁，不過唔喜歡食硬身意粉的可能唔太鍾意佢果種質感。登登登登！最期待的西瓜蛋糕要上檯了！賣相都真係幾靚，上面有d食得既乾花，下面舖滿大大粒士多啤梨，然後一層cream、一層蛋糕、一層主角西瓜⋯⋯不過西瓜只得一層，但都算厚既，影左一輪相先開始食，因為可能要keep住塊西瓜要爽爽地，個蛋糕係雪得好凍⋯⋯不