影片
更多
2018-03-25
150 瀏覽
上個星期日去英華台吃酸菜魚麵，食完後四處逛逛，回程時路經第三街，留意到近薄扶道路口有間叫「Shop 9 Restaurant & Lounge」嘅餐廳。靠近細看，外牆滿佈舊式紅磚，帶英國古堡 feel，配上以黑色為主調的門面，風格獨特，裝潢充滿外國氣息，所以已經即時將餐廳名字記下來，趁今個周末有空，一於打鐵趁熱，立即行動，兩口子過嚟吃頓午餐。到埗後先跓足一看放於門外餐牌，原來店子的精選午餐，價錢十分經濟，由 $78-$98 不等，已經包是日餐湯、主菜、咖啡或茶，如果想轉特飲，亦只需 +$15，配埋甜品就 +$28。沿著梯級往內進，餐廳設計很有特色，天花吊滿橙黃色燈泡，驟眼看如天上繁星。環顧四周，座位擺放得一點也不密麻，中間設有水吧，地方非常闊落，感覺舒適自在，而且用餐區旁邊更附設大型戶外座位，適合客人預訂用作舉辦派對活動及宴會等。精選午餐共有 6 款選擇，有漢堡、沙律、意粉、葡國雞飯、螺絲粉等，揀左一口牛燴意粉同法式紙包焗海鮮，點完餐後，店員會隨即送上牛油及暖笠笠的餐前麵包。是日餐湯係粟米忌廉湯，忌廉湯用新鮮粟米炮製，面頭以忌廉劃紋作裝飾，趁熱呷一口，湯身濃稠度適中，唔算好 cream
上個星期日去英華台吃酸菜魚麵，食完後四處逛逛，回程時路經第三街，留意到近薄扶道路口有間叫「Shop 9 Restaurant & Lounge」嘅餐廳。靠近細看，外牆滿佈舊式紅磚，帶英國古堡 feel，配上以黑色為主調的門面，風格獨特，裝潢充滿外國氣息，所以已經即時將餐廳名字記下來，趁今個周末有空，一於打鐵趁熱，立即行動，兩口子過嚟吃頓午餐。
到埗後先跓足一看放於門外餐牌，原來店子的精選午餐，價錢十分經濟，由 $78-$98 不等，已經包是日餐湯、主菜、咖啡或茶，如果想轉特飲，亦只需 +$15，配埋甜品就 +$28。
沿著梯級往內進，餐廳設計很有特色，天花吊滿橙黃色燈泡，驟眼看如天上繁星。環顧四周，座位擺放得一點也不密麻，中間設有水吧，地方非常闊落，感覺舒適自在，而且用餐區旁邊更附設大型戶外座位，適合客人預訂用作舉辦派對活動及宴會等。
精選午餐共有 6 款選擇，有漢堡、沙律、意粉、葡國雞飯、螺絲粉等，揀左一口牛燴意粉同法式紙包焗海鮮，點完餐後，店員會隨即送上牛油及暖笠笠的餐前麵包。
是日餐湯係粟米忌廉湯，忌廉湯用新鮮粟米炮製，面頭以忌廉劃紋作裝飾，趁熱呷一口，湯身濃稠度適中，唔算好 creamy，入口充滿粟米的鮮甜滋味。
意大利黑醋一口牛燴意粉 ($88)，意粉碟頭雖然唔算好大，但牛肉下得非常慷慨，配埋三色椒同芝士片，分量十足。叉起一件牛肉入口，既肉厚又富油脂，肉汁豐盈，味道濃厚，肉嫩夠滑口，而且可以輕易咬開。意粉彈牙有嚼勁，夾雜著牛肉吃，醋香撲鼻。
接著是一客法式紙包焗海鮮配香草意粉 ($98)，海鮮用料非常豐富，有大蝦、青口、蜆隻、魷魚、雞肉、薯仔、BB 蘆筍等，而且用焗爐紙包住去焗，將鮮味完全封鎖，食落原汁原味。至於意粉則以小碗另上，味道調校恰當，香草滲於每條意粉之間，入口啖啖清新。
跟餐飲品點了凍檸茶及凍焦糖咖啡 (+$15)，檸茶甜度適中，入口透心涼又解渴；咖啡細緻順滑，焦糖亦甜度剛好，沒有一般咖啡的酸和澀，飲後有餘香。
一場嚟到，無理由唔試埋甜品，是日甜品係朱古力焦糖芝士蛋糕 (+$28)，蛋糕擺碟很精美，用左朱古力醬在碟上寫上店名，旁邊以草莓及藍莓作點綴，賣相非常美觀。嘗一口，蛋糕嘅芝士味唔算好重，反而朱古力同焦糖味幾突出，配上消化餅餅底，食落有層次。如果大家周末放假，想搵間可以 hea 下兼食物有質素的餐廳，呢度絕對係個好選擇。
張貼
