香港地 (已結業)

今日放假，同朋友去左凌霄閣行下，行到有啲攰同肚餓，就到呢間香港地食野。可能我地成4點幾先食，所以冇咩人。本來諗住去呢啲旅遊景點既餐廳都會係又貴又唔好食，睇睇個餐牌，當然比平時食會貴啲，但其實食物既價錢同味道都可以接受。就好似呢個魚蛋魚片頭河，46蚊，啲魚蛋又幾彈牙喎，河粉偏林，但湯底幾香。另外有個咖喱雞飯配印度薄餅，啲咖哩超多！有四舊大既雞脾肉，兩舊豆卜同兩三舊薯仔，74蚊，我又覺得ok wor!同埋個咖喱係好好食，我地最後係一滴不漏咁食哂！後尾唔夠食，叫多左個西多士，38蚊，普通質素啦。我地覺得話哂係旅遊區，呢間餐廳都算係咁啦，大家如果唔係想海景撈飯，純粹想食飽個肚既話，呢間都係一個好選擇！