The ThirtySix (已結業)

今日請咗半日假同蝦子餅去拍拖，去咗大館兜幾個圈，仲順便去附近嘅吳彥祖酒吧餐廳撞下男神！（當然係見唔到啦！ ）餐廳裝修都幾有特色，我們中午到達，餐廳剛開門不久，靜悄悄的，跟晚上是兩個不同的世界。來吃午餐的人不多，我們各自選了一個lunch set，「日式火辣雞肉丸串味飯配日本流心蛋、自家製越式醃菜及脆紫菜」（ $125 ）及「慢煮厚切日式黑松露叉燒鵝肝迷魂飯，配自家製越式醃菜」（ $148 ）雞肉串應該有雞軟骨喺裏面，食落卜卜聲，店員教我地點那個生既鵪鶉旦，有蛋香之餘仲滑啲！另外佢仲教我地用紫菜包住飯同其他餸一齊食，返本身有味素喺度，咁樣食就會喺個口裏面同時感受到不同味道，感覺豐富啲。另外嗰個叉燒迷魂飯，啲叉燒其實係五花腩，經過慢煮72小時而成，非常腍，入口即溶！味道也不錯的。鵝肝都煎得香口好味，另外都幾鍾意佢啲醃菜，唔會太鹹，酸酸地幾開胃。跟餐仲有兩杯嘢飲，一杯自家製冰爽青檸茶，另一杯係亞洲風味茶。前者其實即係lemonade,味道偏酸，而後者則是凍嘅茉莉茶，味道偏淡。