堂水.啡 (已結業)

今日嚟到位於紅磡Soda Mall嘅「堂水·啡」。場內設有打卡位，重有叉電位，咁就唔怕手機冇電，可以慢慢坐，一邊嘆咖啡，一邊㩒手機啦。芝士火腿牛角窩夫呢個窩夫好特別！其實係整成窩夫形狀嘅牛角酥，好酥脆。芝士同火腿喺窩夫入面，要切開先見到。芝士熱熔左，微鹹。加埋火腿更有咬口。隔離重有沙律，有沙律菜同蕃茄蛋沙律。我本身唔鍾意蛋沙律，因為有d餐廳d蛋好臭。但呢度完全冇臭味。有d蛋黃醬，入口粉粉地，撈埋落d沙律菜一齊食冇咁dry。蕃茄新鮮多汁。魯肉飯魯肉同飯嘅份量成正比，唔會飯多過魯肉或者魯肉多過飯。魯肉有少少肥膏，煮得夠腍，加埋少少醬汁，甜甜地，送飯一流！😋係台灣嘅味道，食完好掛住台灣呀～😭黎到「堂水·啡」點可以唔試下咖啡呢？有四款咖啡：黑、啡、白、魁。店員耐心地解釋四款咖啡嘅分別。最後我揀左「白」。白，即係Latte。未飲，咖啡嘅香氣已經飄入我鼻裏，好醒神！飲得出奶嘅微甜，同咖啡嘅微澀好匹配。啡香奶滑。堂水樽仔奶茶細細樽份量啱啱好。奶同茶嘅比例完美，奶令茶更滑，飲得出茶嘅醇香。