津津食店 (已結業)

今日係公眾假期，入左黎梅窩探表弟，每次入親黎都係會食呢間主打越南野既餐應!因為表弟年紀細鐘意食脆扑扑既野就叫左碟炸魚皮比佢怡家真係百物騰貴，一碟炸魚皮都已經30元，不過一食就知係值得既，因為開頭本身以為佢只係就咁即食，點知原來配埋個蔥花雞湯上，比你點住黎食，唔點既話夠脆身，食耐D有陣好香既魚味，好好味呀! 懷舊到不得了。點左個湯感覺上又冇咁上火，唔錯!另外叫左個雲吞雞腳米粉(HKD 38)， 雲吞聽講係佢地自家包的，唔怪得一食落就唔同出面既，每一粒雲吞都包著新鮮Q彈既蝦，唔錯。而且雞腳好夠焧身，呀婆都食到呀，味道唔算太重口味，唔夠佬汁味。最有誠意係加埋條菜心比你，令到成件事健康左。湯底方面係普通既清湯。