恆之茶居 (已結業)

早前去咗 Marcopolo Hong Kong staycation，睇食評早餐同buffet真係嚇親我，所以朝早過咗條馬路，去呢間角落生物主題嘅中式點心店食早餐。點咗松露蝦餃、雜菌素餃同甘哥叉燒包，本來仲想點海膽燒賣但驚食唔晒所以唯有留返下次。甘哥叉燒包賣相同口味都同添好運差唔多，老實講添好運味道勝佢一籌，但香港添好運嘅衛生真係不敢恭維，所以呢度可以舒舒服服食到類似嘅叉燒包真係唔錯。松露蝦餃正常發揮，有松露香味，反而雜菌素餃本來冇對佢期待太高，清新嘅口感有更大驚喜，茶一律係鐵觀音，有茶香飲落也不錯。最重要係環境寧靜，周圍仲要好多角落生物相伴，一日之計在於晨，我會覺得享受了一個美好嘅早晨。