California Pizza Kitchen (已結業)

出旺角買JR PASS~因為自己仲未食lunch就提議到CPK食下午茶~去到人唔多~可能係因為平日下午吧~點了最愛的Caesar Salad同一個唔記得名既pizza~下午茶包餐飲, 就要了凍檸茶同熱咖啡~~一直都幾鍾意呢間分店~位置就腳~又有街景睇~係夜晚黎既時候會嘈d~一陣就上枱~Caesar Salad質數依然~ 沙律菜感覺好新鮮~而且食落幾清甜~唔會太腍之餘算係爽脆~芝士落得幾多~無將貨就價~如果多d麵包碎就更好了~另一pizza太肚餓唔記得影相~好似係pepperoni+cheese~其實都幾細個~有d似以前龍堡既叮叮pizza~不過下午茶價就預左~應該係即叫即焗~熱辣辣既pizza其實好難整得難食~~批上只係得4塊pepperoni薄片~感覺有點點寒酸|||不過因為夠熱芝士仲可以拉到長絲~好玩~而且芝士落得夠多~ 軟棉棉的好好食~咖啡閒說味道一般~不過閒落好似幾香~凍檸茶正正常常啦~不過今次服務就麻麻...要叫到侍應先拎杯清水過黎...服務唔夠主動細心...而且見幾個年輕d既經常聚埋一齊傾計..有d客想叫佢地都見唔到..加上剛剛坐喺佢地既執野位附近....成日聚埋黎吱吱噚.