The Artlab by Favilla (已結業)

觀塘工廠區好多樓上café，係ig見有人介紹呢間食all day breakfast於是就黎試下~一入到去發現風格係走文青風，擺左d乾花裝飾，裝修係木紋同白色簡約為主~感覺都幾舒服~望下餐牌原來all day breakfast都有幾款揀，我就揀左洋式全日早餐，另外再叫左個慢煮封門牛柳定食~洋式全日早餐材料有煙三文魚、黑松露芝士味噌炒蛋、是日沙律同酸種包。一上檯見到成份早餐擺得靚靚，一睇就知個炒蛋好滑，完全唔會炒得過熟，因為前排食得太多芝士所以今次既炒蛋我叫左走芝士版本~不過就算走左芝士但都無損炒蛋既香味，因為有黑松露作為點綴，黑松露份量唔多但都足已令個炒蛋好香!同酸種包一齊食個口感真係好正~平時食酸種包會覺得好韌好難咬，但呢度既酸種包有韌勁之餘係好容易咬，好食過普通多士多多聲!而煙三文魚份量都唔少，唔會太咸，我仲擺埋上酸種包上面可以扮煙三文魚炒蛋多士~慢煮封門牛柳定食呢個定食有肉有飯有湯有沙律，都幾豐富，封門牛柳細細件有牛味，冇煮到全熟所以有d嚼勁，飯上面洒左d芝麻同紫菜碎豐富味道~飲品方面個人大推玫瑰普洱茶~以一壺形式上，玫瑰味好香好fresh，一d都唔澀，一路飲少女心係湧出黎~