Shelter Cafe

營業中

休息中

難得一日放假，同老公出去chill下。見到食評家介紹呢間餐廳的環境＆食物的質素性價比高，所以就黎試試。餐廳環境幾闊落，枱與枱相隔一定距離，讓每枱食客有足夠的私密空間，傾秘密野都唔會咁易俾其他食客聽到。本來我想試牛小排日式咖喱飯，點知轉左餐牌。所以今次我地叫左忌廉磨菇湯，紐西蘭牛肉芝士漢堡伴薯角，明太子煙三文魚意粉。飲品就叫左Iced Mocha＆Matcha Latte Expresso忌廉磨菇湯好濃郁，有好新鮮的磨菇味，係其他餐廳飲唔到的好味道。紐西蘭牛肉芝士漢堡係老公點既，佢話好好味，我試左一口，覺得一般，正常發揮。明太子煙三文魚意粉就好正喇，雖然煙三文魚的份量少左d，但每條意粉都有明太子痴住，仲食到粒粒明太子的卜卜脆，幾驚喜。而且意粉份量不少，好飽。而飲品方面，因為Iced Mocha 係老公點既，我冇試到，品評唔到。不過杯Matcha Latte Expresso我就覺得苦左D，不過我冇落糖既，大家飲時有需要就自己調校下喇。總括黎講，呢間餐廳都值得一試的，有機會可以再試餐牌上的其他菜式同甜品。而且餐廳會不定時轉菜式，都有驚喜的。