雪園飯店 (已結業)

今日係公司開完會，見外邊有少少落雨，就同個客去咗公司附近嘅雪園食午飯。其實都有一段長時間冇嚟過啦，環境都係無變。冇乜人，可以靜靜地享受午餐。叫咗個頭盤，有海蜇，有雞絲粉皮，仲有個腐皮。依個頭盤幾好食，好快就食晒。仲叫咗多幾樣餸，必叫嘅小籠包，保持水準好味，叫咗上海粗炒，唔係太油膩，幾好，仲有一個比較特別嘅就係雪菜粉皮，依個係第一次叫，幾好食，值得推介。最後仲有一碗綠豆沙食，有甜品嘅午餐係最完美嘅。