SeaFront (已結業)

大好星期天，陽光普照得來又不太熱，最適合戶外活動，就同太座去了赤柱游水。近十二點來到赤柱，先醫肚才落水。在云云赤柱大街的食肆中，太座選了這裡，因為可以食薄餅，同埋在露天的地方有位，非常的side-walk feel。薄餅午餐有六款選擇，我們要了芝士及辣肉腸兩款，餐還包兩杯啤酒。薄餅原來都不小，直徑應有9 吋。不算薄身亦焗得不夠乾，我們都喜歡吃薄身又較乾身的，沒有那麼「漏」。始終是鬼佬野，再好吃也吃得不多，吃了四份三已停了手，我們都認為其實二人分吃一個就剛剛好。有不少遊人在赤柱大街閒逛，又有好多人在放狗，我們隔離就有一隻樣子惡死，但其實好純的Husky，好開心。加埋兩杯凍啤，放假的氣氛好正，太座差點坐到唔願走。埋單一百八十幾，唔算平，但作為一餐閒逸的午餐來說，都幾正。