YA! YA! YA! BURGER & BAR (已結業)

今日好耐無同BB一齊放假啦，我哋一於出街走走食下午茶兼睇戲！我哋去左朗豪坊隔離嘅朗豪晴食tes， 樓下已經勁多人等𨋢，原來果到都有好多餐廳選擇！而我哋就揀左5樓嘅ya!ya!ya!餐廳環境舒服寬廠，特別欣賞係餐廳d吊燈喺由多個酒杯而成，燈光好柔和！當見到餐牌時勁多野食揀，有burger/飯/烏冬/扒類等！我哋心大心細，一於就揀左邪惡芝士菠蘿安格斯牛肉漢堡同日式蒲燒原條鰻魚飯加埋個小食雙重芝士拉絲熱狗棒！而飲品都好特別揀左陳皮山楂洛神花茶同百香果梳打！兩杯飲品好解喝，又唔會太甜，飲岩哂我地口味。burger賣相吸引，牛配料菠蘿，蕃茄，菜一齊食好 juicy ，同埋菠蘿可以中和一吓油膩感，唔會好濟！而個雙重芝士拉絲熱狗棒先， 一咬就做到拉絲效果，個麵包炸得好脆，記住趁熱食。到鰻魚飯啦， 成條鰻魚都幾大條，仲要條鰻魚冇骨，再配埋個汁勁正，越食越開胃。呢到食物質素cp值好高 ！下次會再嚟幫襯！ 試下晚餐，聽講呢到都有提供生蠔同白酒！呢度仲可以book埋卡啦OK 房攪party添！真係多功能餐廳。