影片
更多
2012-07-26
16 瀏覽
剛好休假，有乜做? 當然緊係食啦! 我想食High Tea好耐，不過要個人夠晒 relax先得，平時番工咁忙，難得放假緊係要放鬆心情，好好享受呢呢個 High Tea 啦! 我同朋友都冇食午餐，心諗個 High Tea 一定唔夠飽，我地都諗定食完 High Tea 後再食野，結果 ..........High Tea 好豐富，包括鵝肝醬多士、三文魚撻撻、吞拿魚撻、意大利芝士餅、紐約芝士餅、朱古力班尼斯、法式焦糖燉蛋等。先黎兩杯飲品，一杯係 凍Latte ，另一杯係凍 cappuccino，兩杯咖啡味唔係相差好遠，係西餐廳飲呢兩款咖啡特別好飲。嘩! 果然係 High Tea，有埋個架! 我鍾意唷!第一層係法式焦糖燉蛋，剛剛煮熱，甜甜地，D燉蛋好滑，法式焦糖燶燶地好特別，咬落D焦糖係脆，好食，讚!第二層有意大利芝士餅、紐約芝士餅、朱古力班尼斯同忌廉泡芙，食邊樣先呢? 我地首先食忌廉泡芙，忌廉唔算太甜，但一啖食忌廉有少少膩，OK! 朱古力班尼斯都係有少少膩，朱古力味唔夠濃，都係唔算好甜，一般啦!意大利芝士餅，咖啡粉味唔夠濃，酒味亦都唔濃，芝士味尚可接受，OK! 紐約芝士餅，芝士味濃，夠晒飽
我同朋友都冇食午餐，心諗個 High Tea 一定唔夠飽，我地都諗定食完 High Tea 後再食野，結果 ..........
High Tea 好豐富，包括鵝肝醬多士、三文魚撻撻、吞拿魚撻、意大利芝士餅、紐約芝士餅、朱古力班尼斯、法式焦糖燉蛋等。
先黎兩杯飲品，一杯係 凍Latte ，另一杯係凍 cappuccino，兩杯咖啡味唔係相差好遠，係西餐廳飲呢兩款咖啡特別好飲。
嘩! 果然係 High Tea，有埋個架! 我鍾意唷!
第一層係法式焦糖燉蛋，剛剛煮熱，甜甜地，D燉蛋好滑，法式焦糖燶燶地好特別，咬落D焦糖係脆，好食，讚!
第二層有意大利芝士餅、紐約芝士餅、朱古力班尼斯同忌廉泡芙，食邊樣先呢?
我地首先食忌廉泡芙，忌廉唔算太甜，但一啖食忌廉有少少膩，OK! 朱古力班尼斯都係有少少膩，朱古力味唔夠濃，都係唔算好甜，一般啦!
意大利芝士餅，咖啡粉味唔夠濃，酒味亦都唔濃，芝士味尚可接受，OK!
紐約芝士餅，芝士味濃，夠晒飽肚，OK!
第三層有鵝肝醬多士、三文魚撻撻、吞拿魚撻撻同鮮雞蛋撻撻，食邊樣先呢?
鵝肝醬多士，唔錯，多士夠脆，鵝肝醬尚算塗得厚，份量毫無欺場，讚!三文魚撻撻，唔錯的煙三文魚，好鮮味，份量OK，好味!
吞拿魚撻撻同鮮雞蛋撻撻都唔錯，好似食平時夾三文治咁，不過今次配多士，別有豐味，味道不過不失，都係正常的味道，唔會令人失望，OK!
總括而言，個 High Tea 係抵食且飽肚，仲可以 hea 足三個鐘，天時暑熱，係散熱的好去處。
張貼
