One Little Room (已搬遷) 新店位置

今日入黎紅磡學鼓，特登早D黎搵間cafe睇下書。紅磡雖然多野食，但想搵間cafe原來唔係咁多選擇，最後係openrice search 到呢間餐廳....餐廳得好少位，我只係一個人，所以同人搭台唔洗等位，靜靜地過左一個悠閒既下午... 叫左個傳統西班牙蛋餅，即叫即做，等左一陣就有得食，非常之熱，職員都叫我要小心d...蛋餅入面有薯仔，蛋，青椒，紅椒，洋葱，我覺得好似加左D芝士咁，個味道好濃，唔錯...另外配有南瓜湯同黑醋沙律，不過我個人麻麻南瓜，所以無麥點飲!食完之後叫左杯cappuccino，反而杯咖啡令我有驚喜，夠厚夠香 最後埋單時先驚覺自己銀包唔夠錢，好尷尬，職員俾我出去按錢番黎埋單，呢D就係小店的人情味