DALLOYAU (已結業)

我地book位個時揀左坐户外，可以呼吸下新鮮空氣，風景靚啲，坐得又舒服啲。鹹點個人最欣賞鮮龍蝦黑松露軟包，麵包中間夾住龍蝦仔，份量都唔少，啖啖肉。食落有陣好香黑松露既味道，香濃得黎又唔會搶左龍蝦仔既味。最頂仲整到成朵花咁靚。另外煙三文魚芝士三文治都唔錯，芝士味唔太濃，但三文魚唔夠喉呀。至於蘑菇泡芙味道幾特別，好唔好食就見仁見智。仲有個法國鴨肝三文治，鴨肝味道淡淡地，上面有幾粒核桃碎。甜點方面Macaron有驚喜！一款係芝麻macaron，唔講以為食緊芝麻糊！芝麻味真係好濃！另一款係開心果macaron，果心果又幾好味喎。最初仲估會唔係綠茶。脆榛子朱古力都唔錯，朱古力味幾濃。朱古力泡芙就淋左少少，但塊朱古力牌好味。66%加勒比朱古力慕斯好滑，面頭仲有啲碎曲奇。黑松露歌劇院蛋糕，食個時唔太覺有黑松露味道，但蛋糕好鬆軟。朱古力香橙杏仁蛋糕有淡淡既香橙味，蛋糕好軟好綿。至於鬆餅今次有朱古力同香橙味，但可惜個clotted cream略嚴唔夠厚身同稀左少少。