意粉 360 (已結業)

今日又嚟新都城搵食，下午茶時間人流疏落，見到SPAGHETTI 360門口個下午茶餐牌有我最LIKE嘅酥皮湯，決定試吓佢實力。TEA SET都幾多選擇，但我一心想食酥皮湯，而且MENU有詳細介紹酥皮嘅起源，令我更想食，就點咗肉醬意粉配酥皮湯跟熱咖啡。($52)蘑菇忌廉酥皮湯酥皮湯即叫即焗，酥皮外層鬆脆，內層軟熟，湯底夠熱，有蘑菇香，水準以上，將一片片酥皮連湯飲，雖然明知肥爆，都忍唔住成碗飲晒。😋肉醬意粉肉醬煮得JUICY,香葉味夠搶，而且蕃茄味濃，但可惜意粉未夠乾身，上碟後出水，稀釋咗個肉醬，而且粉條太濕易斷，影響咗整體評分。即磨咖啡都係啡機出品，但要讚伴碟塊曲奇，有外國FEEL,可作為甜品😆以下午茶而言可以性價比甚高，但觀乎意粉處理手法，就令我對正價時段有所保留，希望下次試晚飯可見識餐廳真正實力。