Coffeeholic (已結業)

星期六諗住去食個下午茶，但原來假期佢只有單點，無下午茶餐。餐廳唔大，下層得五張枱，不過都算好坐。吞拿魚三文治($98)。除咗三文治仲有沙律。份量都幾大，都算足料 ，有菜有蕃茄。熱狗($98)。一定要熱辣辣咁食。沙律有幾粒腰果，提高性價比。焦糖洋蔥好好味，令成隻熱狗加分不少。Flat white($36)。夠香夠奶，但係嫌無令到個口有好香嘅 aftertaste。紫薯 latte ($55)。底層咖啡同flat white差唔多味，只不過係上面有層大約0.5 cm嘅紫薯奶泡，令杯咖啡唔落糖都有甜甜地嘅味。總結係，如果人少少想嘆下咖啡都係一個唔錯嘅地方。