Tiger Lily (已結業)

同朋友黎左呢間餐廳試下,餐廳環境好靚好適合打卡用,食物方面:叫左個4人套餐,炸雞槌配薯條炸得幾香脆,個卡邦尼意粉入面加入左一d麻辣胡椒粒令到個意粉食落好辣,建議唔好加入胡椒粒會比較好,食完個口有種麻痺感,個忌廉湯有好香既蔬菜味,素食肉丸食落味道口感有d奇怪唔似肉丸,pizza黑松露pizza係好香濃既黑松露味,烤豬肉pizza都好香脆,飲品:士多啤梨抺茶牛奶,士多啤梨醬過多令到杯飲品無左抺茶味道,味道唔係想像中咁好飲,好似飲緊牛奶同果醬咁,建議改良一下。香橙特飲係好大杯同好有橙汁味。同埋上餐速度太快令到d食物好易凍左。