Tiger Lily (已結業)

通常黎Mikiki都係食壽司郎，今次決定試吓其他餐廳，見呢間環境都幾靚，同埋有set lunch就試下~本身諗住叫兩個意粉，但係見到隔籬枱鋸扒好似唔錯咁 搞到我又想食😆🍴風乾火腿卡邦尼扁意粉◽️賣相睇落唔差，仲有塊蒜蓉包同溫泉蛋◽️卡邦尼汁味道偏淡🫢◽️意粉反而煮到啱啱好 唔錯🍴鐵板牛扒餐◽️set餐有跟餐湯同嘢飲◽️牛扒都算大塊但咬落有啲韌，黑椒汁正常 唔夠可以叫職員加多啲◽️呢個份量女仔絕對夠飽🫢◾️整體都好一般，不過環境坐得幾舒服同埋裝修都比較少女心

5, 60蚊的價值收     8, 90蚊的收費CP值低我女友食個伯爵茶焦糖燉蛋個燉蛋又唔熱 塊焦糖又硬到傻hi  又無乜伯爵茶味我食個鐵板雞扒配飯味道係大家樂  大快活級別仲要食食吓有隻烏蠅飛嚟飛去  打你個肺  環境外觀靚 但食物質素差令我要在1月1號承受女朋友的不滿我諗番起都要唔住要去openrice 申請AC    吐不快

餐牌嚴重誤導，餐牌寫套餐包餐湯，熱飲，但其實飲品唔包，熱飲同凍飲都係加八蚊。問下職員，冷冷咁話飲品唔包。包嘅餐湯得半碗，好似人飲淨咁。 間嘢係保險AA 心儀餐廳，一餐飯在座有3台sell緊嘢，嘈死食客，好似唐憎係你耳邊不斷umumum，好煩的。雖然話懶係少女西餐廳，但就好似茶餐廳咁一嚟就上杯熱滾水俾客，實屬搞笑。兩位駐場嬸嬸服務當然都茶餐廳咁上下啦。食物不過不失，但cp值低。我都當今餐豪俾乞衣，積下陰德咁囉。

星期日去左新蒲崗行街，應該啟德新商場開左，帶旺埋mikiki，好多餐廳都要等位，夜晚食飯時間都等左15分鐘。職員話假日關係所以甜品menu暫停，話做唔切😦餐湯味道普通，唔太熱！個鐵板牛扒$128（餐），份量好少，塊扒好薄，好似大家樂大快活食個d咁🫣咁既價錢好唔值！香煎帶子拌墨魚汁意粉配龍蝦汁$168（餐），粒帶子係ok既，但個意粉味道偏淡。明太子扁意粉$138（餐），呢個算係最好食，明太子夠濃。跟餐半餐叫左杯凍抹茶鮮奶（+$21），哇呢杯野真係完全唔覺得飲緊抹茶，好似得奶味咁，就咁睇都知落得好少抹茶👎👎👎👎

裝修殘舊，裝飾品舖滿灰塵，餐牌選擇少。今日和朋友只逗留了30分鐘，餐飲都未飲完就比侍應用非常之差的態度及毫不客氣地要我們走。以後都不會再去。本人從不寫評論，就算餐廳食物質素及服務態度差都不會在此公開評論。但今次真的忍不住要提醒下各位去這餐廳要有心理準備隨時會被侍應趕走。香港服務業及飲食業經常在想辦法留香港人在港消費，若自身都做不到要有基本禮貌的待客之道，試問有如何留客。難怪越來越多香港人北上消費，其實香港的服務業及飲食業都要自我反省。

又過嚟食Tiger Lily，so far Mikiki入面覺得呢間係比較高質嘅餐廳，起碼環境靚啲又有得嘆咖啡，都好啱慶祝活動去食 (留意返：擺低個蛋糕唔拎出嚟切 都係要加切餅費)！ 最近發現佢Lunch原來係有扒餐，有雞扒同牛扒，可以揀配意粉或者薯菜。價錢嚟講相比起嗌意粉，我覺得有得鋸個扒反而抵食啲🤭🤭。有餐湯跟埋，都係保持水準幾好飲嘅！啲餐具同裝修又夠少女風，就算唔係打卡，有時過嚟食吓都開心嘅！😬😬我揀咗雞扒餐，其實都食得好飽肚，塊扒大大塊，又整得幾嫩滑。我而家係放棄咗嗌百零蚊嗰啲意粉，反而食呢個夠味又夠飽👌🏻，揀配意粉都唔會好乾同冇味。如果唔係追加特式咖啡，基本咖啡或茶都包，都算係唔錯嘅選擇！Btw 呢度冷氣好凍🥶！

同仔仔两個去mikiki揾嘢食，行行下見到間餐廳幾靚就入去試下，我哋去時啱啱開鋪所以得我哋一枱客人。服務員態度有善又有禮。環境都幾靚，打咭一流。食物味道唔錯，Buger塊肉夠juicy,包脆脆哋好味，咖啡就一般，但整體都幾好，下次會再去。

今次食2人餐($348)，包餐湯（蕃茄雜菜湯）、1份小食、2份主菜、2杯飲品💪🏻 泰式冬蔭雞肉薄餅Pizza嘅醬汁幾特別，係用泰式冬蔭公醬做底，微微嘅酸味同辣味令人好開胃，冬蔭公湯嘅味道好香濃，而且酸辣味配上Pizza嘅芝士都好夾🤤 Pizza 配料有大量菇類，都有雞肉同洋蔥。個人覺得呢個Pizza幾好食，充滿東南亞風味，特別啱鐘意食泰國野嘅朋友😋💪🏻 煙三文魚明太子扁意粉意粉忌廉汁算黏稠，較杰身，所以掛汁掛得好好！忌廉味唔算好濃，但加左明太子令意粉有微微辣味，同忌廉汁幾配合，口感新鮮😝 煙三文魚唔會太咸，配意粉一齊食啱啱好，中和番忌廉嘅膩。最後意粉都配有一塊蒜蓉包，食完意粉之後可以用麵包點埋碟上多餘嘅醬汁（唔好浪費），似西式餐廳外國人嘅食法🤣💪🏻 炸雞薯條配蜜糖芥末醬炸雞唔係好脆身個種，係類似日式唐揚炸雞，薄薄有層炸粉咁樣，食落都香口，而且好juicy，唔乾柴😋蜜糖芥末醬好食，芥末味唔濃，但蜜糖味突出，點炸雞甜甜地幾特別。💪🏻 香橙特飲無咩特別，果汁先生嘅味道🤣🤣餐廳嘅佈置幾用心，有大量乾花裝置同埋以粉紅色主調，滿滿少女感🥰味道：7.5/10性價比：6/10 食住瘦指數：💪🏻💪🏻/5

我叫素食全日早餐咁冇認真睇到張相，淨係睇字咁揀左要牛角包同全熟蛋。嚟到食食下覺得唔對路，明明係素但又有啲油。於是睇翻餐牌，結果。。。幅圖有好多生果，而實物就冇。叫左員工嚟搞清楚，再問廚房。岀嚟同我講話張相係錯嘅，嗰個係沙律先啱。然後揾借口又唔道歉。火都嚟，明知錯又唔改番岩，又唔第一時間認錯。講真，我又唔係要免左個餐錢，認左錯咪完囉。咁小嘅事都處理唔好。應該之後打左俾經理，想話補番幅圖嘅嘢。不過太遲，打個9折都冇意思啦。

去開一田諗住過嚟食埋個晏晝，見到間裝修幾靚嘅餐廳，就諗住一試。點知中伏。其他食物沒味道就不在話下，帶子龍蝦汁墨汁意粉就最為經典。帶子充滿雪藏味。龍蝦汁完全食唔到龍蝦汁味，但食到酸味。之後一個好好禮貌嘅侍應，就跟我同廚房講。之後另一位年長小小的侍應就跟我們說隔籬枱都食緊冇問題。應該係我哋口味嘅問題。咁或者我哋真係唔識，食咁耐龍蝦汁都未試過會加酸味入去。不過最後都比我更換另一款。只能說所有野都有待改進。

【商場少女風粉紅cafe🦩】通常大型商場入面都係連所餐廳居多，今次喺Mikiki入面發現到一間粉紅tone嘅cafe🎀～ Lunch hour去到都有唔少人排隊，座上客超過8成係女士😆，睇黎似乎係新蒲崗熱門cafe之選！軟殼蟹蕃茄汁扁意粉 ($109)Set lunch包咗餐湯同飲品，不過餐包係同意少同一碟上😮。軟殼蟹食到肉汁同埋有膏嘅感覺🦀，唔會炸到好乾好透，係我鍾意嘅口感。意粉嘅蕃茄汁係偏甜嘅風格🍅，食落同軟殼蟹都幾夾。••••••••••••••••••••••••• 《Tiger Lily》📍新蒲崗太子道東638號MikikiLG樓LG5號舖•••••••••••••••••••••••••

🌺𡃁妹想熊妹陪佢去啟德睇樓🏢，所以就約咗喺附近商場《Mikiki》食個晚餐先。📌有熊妹在，有Cafe在，滿佈花朵設計的《Tiger Lily》真係啱晒充滿少女心的𡃁妹同熊妹。📌《Tiger Lily》可以話係一間pink lady café， 以粉紅色為主題，天花板用上多款花朵💐組成大花球，還吊起一個個玫瑰金色嘅大波波，設計非常吸睛👀；粉紅色的牆身在配合白色的梳化椅同餐枱，感覺簡潔又光鮮，充滿少女心的女孩子們一定很喜歡。💓📌沙化椅上面仲有一個個花花款的咕臣，靠背挨上，柔軟又舒服，好像家的感覺🏠。📌餐廳主要以西式為主，晚餐套餐📋有沙律、薄餅、漢堡、意粉、牛扒等等選擇，套餐包是日餐湯同一杯飲品，價錢由$98至$198，另收加一，都算幾抵食。是日餐湯，雜菜湯今日嘅餐湯係紅湯，少少地一杯，蕃茄味🍅都幾濃郁，有幾片椰菜紅蘿蔔，材料味道正常，幾開胃。燒烤豬肉薄餅， $128📌熊妹想食薄餅🍕，成個晚餐Menu就係得呢款，太好啦，選擇困難症嘅熊妹唔使揀。嘩，材料都幾豐富喎！面頭鋪滿芝士同埋菠蘿粒，本身好怕豬肉係用五花腩肉咁肥，原來係用豬髀肉🐷，食落去啖啖肉無一點肥，仲有甜甜嘅燒烤醬，連埋酸甜嘅菠蘿粒解

📍 Tiger Lily (新蒲崗)餐廳位於Mikik商場底層, 裝修以粉紅色為主調💕加上乾花擺設💐充滿少女風✨好岩打卡📸梳化位闊🛋️坐得舒服👍🏻今次黎食晚市套餐🍽️性價比高🤩平日黎食dinner唔太多人晚市套餐包括 是日餐湯🥣➕主菜🍝➕飲品🍹✨蘑菇忌廉湯🥣🍄蘑菇粒多但忌廉湯偏稀✨香煎帶子拌墨魚汁意粉配龍蝦汁🦑 $168帶子煎得好香, 份量不少, 有5粒😋黑色既墨魚汁意粉唔會食到成口黑色,配龍蝦汁🦞✨和牛漢堡🐂 $138和牛多汁易咬😁配沙律醬,芝士片同埋新鮮既蔬菜🍅好食😋仲有沙律菜同好多厚切薯條🥔🤩✨香橙特飲 🍊有果肉既橙汁, 少少似果汁先生😗加入橙片及西柚片, 幾開胃📍 Tiger Lily (新蒲崗)新蒲崗太子道東638號MikikiLG樓5號舖

係新蒲崗做完瑜伽行咗去Mikiki搵嘢食，見到呢間西餐廳唔洗等位就入咗去🤣店舖嘅裝修同擺設都以粉紅色為主，即刻少女心爆發！▫️煙三文魚明太子扁意粉 ($109) 2/5煙三文魚同意粉嘅份量都幾多，但係身為明太子愛好者大大話話食過唔少明太子意粉，呢間係唯一一間我食唔到有明太子味嘅餐廳🫠明太子味超級淡，淨係食到少少辣味。▫️軟殼蟹蕃茄汁意粉 ($109) 3/5軟殼蟹都幾大隻，意粉軟硬度適中但唔係好掛到汁，蕃茄味亦都比較淡。伴碟仲有塊蒜蓉包，幾脆同好香蒜蓉味，可以話成餐最好食就係塊蒜蓉包🤣只可以話呢個價位係新蒲崗可以有更好嘅選擇。Overall rating (5粒⭐️為滿分)味道：⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️

坐低先講用餐時間50分鐘，朋友來到要 趕頭趕命食飯，同時？食物質素，服務態度，性價比，又唔見得特別好，一夠鐘即刻叫你埋單，真是很不爽的 customer experience, 結果埋單再去 coffee shop 坐，今時今日咁嘅服務態度點會有下次幫襯呢!